Ni moja kati ya mimea ipatikanayo katika maeneo mbali mbali hususani katika mapori, mmea huu hutambaa kama mboga za maboga na tunda lake kimuonekano liko kama maharagwe. mmea huu ukikauka na kwa bahati mbaya unga wake ukagusana na mwili wa binadam ni hatari sana kwani kuwasha kwake kiukweli hakuelezeki.

Upupu unaweza kumdharirisha mtu, unaweza kujikita unatoa nguo zote pasipo kuangalia mazingira, si ajabu kumkuta mtu aliepigwa na upupu kapakaa vumbi walau kupunguza makali yake na ajabu yake ni kwamba ukinawa kwa maji una kawaida ya kuongeza kuwasha.

Kwa wale waliowahi/ wanaoishi kijijini, ama wale waliowahi kupatwa na janga hili la upupu nadhani watakuwa mashuhuda wakubwa juu ya ubaya wa hii kitu, nlipokuwa katika safari zangu nokielekea katika moja ya chanzo cha mto sikuuona upupu ulikuwe mbele yangu, kwa bahati nzuri mwenyeji wangu aliuona kisha akapiga yowe ya kunitaka nisimame maana ndipo nlipokuwa naelekea, ko ningepita nadhani yangekuwa mengine.

Karibu Tanzania, Karibu Mbeya